حضرت عمر فاروق کی شان میں اشعار

*خلد  کی  راہ  کے  رہبر  کو  عمر کہتے ہیں*
*عدل و  انصاف  کے پیکر کو عمر کہتے ہیں*

*اپنے   دلدار    کو  دلبر  کو  عمر  کہتے  ہیں*
*ہم  چمکتے  ہوئے  اختر  کو عمر کہتے ہیں*

*جس کی ہر موج سےانصاف کےموتی نکلے*
*اُس  گُہر بار   سمندر   کو   عمر  کہتے  ہیں*

*جن   کے   افکار   کو    قرآن  بنایا  رب  نے*
*ہم   اُسی    مردِ  قلندر  کو  عمر کہتے  ہیں*

*آپ   تلوار   اُٹھائے   تو   عرب  کانپ   اُٹھے*
*کفر کے دل میں چھپے ڈر کو عمر کہتے ہیں*

*تو نےمحبوب کی حرمت پہ زباں کھولی ہے*
*کاٹ  ڈالوں گا  ترے  سر  کو  عمر کہتے ہیں*

*ہم  کو  ہے موت ترے جام و سبو سے پیاری*
*دندناتے   ہوئے   لشکر   کو   عمر  کہتے  ہیں*

*جنگ  میں  کفر  و  طاغوت کے سر پر ثاقب*
*تیز  چلتے  ہوئے  خنجر  کو  عمر  کہتے  ہیں*

 *✍: سرتاج علی